هدف حبيب جرجس شرح الكنيسة بطرق مختلفة لطبقات مختلفة وبأعمار مختلفة

لما حبيب جرجس انشأ التربيه الكنسيه كلها علي بعضها كان الهدف منها شرح الكنيسه بطرق مختلفه لطبقات مختلفه باعمار مختلفه ...

يعني عمل مدارس الاحد بما يناسب طريقه ابتدائي بمنهج يناسب امكانيات طفل ابتدائي العقليه ...

انشا الكليه الاكليركيه بعلوم متقدمه بطرق بحثيه بما يناسب طلبه الكليه و قدراتهم الثقافيه و العقليه ..

انشا مدرسه الوعظ بمواضيع تخص الاباء الكهنه بمنهج مناسب للكهنوت بترتيب موازي لمناسبات الكنيسه بما يناسب احتياجات الاكليروس في الوعظ ..

و بقي فيه اربع اولاد اصحاب في اعمار مختلفه بينزلو كل يوم الصبح بدرس القداس ماسكين التونيه رايحين الكنيسه ...واحد بيفكر في التناول ..و التاني بيفكر في الاسرار ...و التالت بيفكر في الاستحاله الجوهريه ...انما هدف مرواح الكنيسه ...واحدالعامل المشترك في كل فكر الارشدياكون القديس هو المحتوي الكنسي الواضح ...طفل ابتدائي بيسمع عيد الغطاس و يتعرف علي يوحنا المعمدان و بابا يسوع و نهر الاردن ...طالب الاكليريكه بيفهم سر المعموديه كسر خلاصي و اهميه الكهنوت كمتمم للسر ..الاب الكاهن بيعرف ليه السيد قبل العماد رغم انه كان لا يحتاج ..يفهم انه اعطي الطبيعه البشريه امكانيه سكني الروح القدس فيها بالتالي يعرف يوعظ عن المعموديه و الميرون و هياكل الله الخاصه بنا ..

عملنا ايه احنا بعد ما الارشدياكون اتنيح ؟؟

قولنا هنعمل فرقه صوتها حلو نسميها الكورال ...تعزف بالات مختلفه في تناغم معين بما يسمي الترنيمه ...و نعمل فريق خدمي جاذب للشباب قائم على التعاون و المحبه و الخصال الكريمه و نسميه الكشافه ...و نعمل مجموعه كبيره بتحب التمثيل و الاخراج و الاضواء و نهتم بمواهبها و نسميها المسرح ..

و لما تعارضت تلك المسميات مع الخدمه الاساسيه ...الي كان عاملها الارشدياكون ...بدانا ( بحشو ) تلك الكيانات بأي محتوي بحيث ياخد الطابع الكنسي ..

فبقينا نقول اي لحن في الكورال ...و نقول اهو الكورال خدمه

و نشرح كتاب مقدس في الكشافه ....و نقول اهو الكشافه خدمه

و نعمل قصه ابراهيم و اسحق مسرحيه ..و نقول اهو المسرح خدمه

و تركنا المحتوي الكنسي الاصلي ...الي هو الهدف الاساسي بتاع الارشدياكون ...و شاورنا على الحشو ..ناسين او متناسين الهدف الحقيقي من مزيكا و تمثيل و تنظيم و قولنا اهو ....دي خدمات و اضحه و قويه ..الرب يباركها و ينميها !!!

و بقي الاربعه الي بينزلوا كل يوم الكنيسه ايام الارشدياكون لسه بينزلو الكنيسه ...بل بالعكس بقوا سته و تمانيه و عشره ...بس واحد ماسك تونيه ...و التاني ماسك جيتار ..و التالت ماسك باريه الكشافه ...و الرابع ماسك ديكورات المسرح ..

و بقي هدف مرواح الكنيسه ...مش واحد

فيا تري لما حبيب جرجس يشوف الاربعه دول انهارده بمفاهيمنا الجديده ...هيعرف انهي واحد فيهم !!!

Copied..... Mina Emad Anes